Asiya İnkişaf Bankı (AİB) Azərbaycanın 2026-2027-ci illər üzrə əsas makroiqtisadi göstəricilərinə dair proqnozlarını açıqlayıb.

"APA-Economics" xəbər verir ki, AİB Azərbaycanın ÜDM artımının 2026-cı ildə 1,6%, 2027-ci ildə isə 1,8% təşkil edəcəyini gözləyir.

Bank 2026-cı il üzrə iqtisadi artım proqnozunu əvvəlki 2%-dən 1,6%-ə endirib. AİB bunu əsasən neft sektorunda hasilatın azalması ilə əlaqələndirib.

Hesabatda qeyd olunur ki, neft sektorundakı zəiflik iqtisadi artım tempinə təsir etsə də, qeyri-neft sektorunda fəaliyyət davamlı olaraq qalır.”

AİB-nin qiymətləndirməsinə görə, Azərbaycanda orta illik inflyasiyanın 2026-cı ildə 5,9%, 2027-ci ildə isə 5% olacağı proqnozlaşdırılır.

Bank inflyasiya gözləntilərinə karbohidrogen qiymətlərinin daxili qiymətlərə ötürülməsi və inzibati tarif dəyişikliklərinin təsir etdiyini qeyd edib.