Rus politoloqlardan Fransa səfirinin bəyanatına təpki Siyasət

Rus politoloqlardan Fransa səfirinin bəyanatına təpki

Ekspert rəyi: "Rusiya Qarabağı heç vaxt müstəqil dövlət kimi tanımayacaq"

Fransanın Azərbaycandakı səfiri Paskal Mönye bir müddət öncə bildirib ki, Ermənistan öz rəsmi sərhədlərini dəyişsə, Qarabağ münaqişəsinin həllində uğurlu nəticə əldə etmək mümkündür. Səfir bildirib ki, Ermənistan kompromisə hazır olduğunu da sübut etməyib. Səfir həmçinin qeyd edib ki, Rusiya münaqişənin həlli üçün yeni plan hazırlayır.
Moskva Dövlət Universitetinin İnformasiya və Analitika Mərkəzinin üzvü Yevgeni Nikolayçuk səfirin fikirlərini şərh edərək bildirib ki, diplomat tərəfindən prosesdə Rusiyanın rolu haqda fikir fərziyyədən başqa heç nə deyil: "Səfirin qeydi əsassızdır. O, yalnız öz inanclarını səsləndirib".
Qeyd edək ki, Moskva Dövlət Xarici Əlaqələr İnstitutunun üzvü Leonid Qusev də öz mövqeni paylaşıb. Qusev deyib ki, Rusiyanın Qarabağ münaqişəsinə münasibəti illərdir dəyişməyib: "Bu həssas mövzuya gələndə rus diplomatlar həmişə ehtiyatlı olublar. Rusiya Qarabağı heç vaxt müstəqil dövlət kimi tanımayacaq".