Ermənistan törətdiyi bütün haqsızlıq və təxribatlara rəğmən, Qərb tərəfindən qorunur, himayə olunur.

Bunu Türkiyə Xarici İşlər Nazirliyinin İdarə rəhbəri Yönet Can Tezel Beynəlxalq Münasibətlərin Təhlili Mərkəzi (BMTM) və Türkiyə Xarici İşlər Nazirliyi Strateji Araşdırmalar Mərkəzinin (SAM) birgə təşkilatçılığı ilə keçirilən “Regional geosiyasi qütbləşmələr və Türkiyə-Azərbaycan münasibətləri” adlı vebinarda deyib.

Türkiyəli diplomat bildirib ki, bu davranışı anlamaq çətindir: “Bunu anlaya bilmirik. Haqlı olduğumuzu sübut etmək üçün daha çox səy göstərməliyik. Haqqımızı almaq üçün güclü olmalıyıq. İkili standartlar var, ancaq bu, bizi yoldan çəkindirməməlidir. Biz öz haqqımızı tələb etmək üçün daim irəli getməliyik”.