İtaliyada koronavirus pandemiyası qurbanlarının sayı son sutka ərzində 474 nəfər artaraq, ümumilikdə 28 710 nəfərə çatıb.
Bu barədə ölkənin Mülki Müdafiə Departamenti məlumat yayıb. Cümə günü 269 nəfərin öldüyü bildirilmişdi.
Həmçinin son sutka ərzində 1665 italiyalı sağalaraq xəstəxanaları tərk edib, sağalanların ümumilikdə sayı 79 914 nəfərdir.
Ölkədə sağalanlar və ölənlərlə birlikdə koronavirusa yoluxanların ümumilikdə sayı 1900 nəfər artaraq 209 328-ə çatıb. Bundan əvvəlki gün 1965 yoluxma qeydə alınmışdı. Xəstəxanalarda hələ də 17 mindən çox virusa yoluxmuş şəxs var.