Ağcabədidə yol-nəqliyyat hadisəsi baş verib.

APA xəbər verir ki, hadisə dünən axşam saatlarında Ağcabədi-Zərdab rayonunun 14-cü kilometrində baş verib.

Belə ki, Elmidar Ələsgərovun idarə etdiyi “VAZ 2107” markalı avtomobillə Təvəkkül Əsədovun idarə etdiyi “Mercedes-Benz” markalı avtomobil toqquşub.

Hadisə nəticəsində Elmidar Ələsgərov, sərnişinlər Zamiq Ələsgərov və Dayandur Nəsibov xəsarət alıb. Digər sürücü Təvəkkül Əsədov xəstəxanaya çatdırılsa da, onun həyatını xilas etmək mümkün olmayıb.

Faktla bağlı araşdırma başlanılıb.