Trend-in məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində deyib.

Onun sözlərinə görə, səhiyyə qurumlarının elə imkanı yoxdur ki, yoluxan hər bir şəxsi yoxlasın və ona nəzarət etsin: “İnsanların özlərinin məsuliyyəti olmalıdır. Hər kəs qaydalara nəzarət etməlidir. Biz xüsusi proqram vasitəsilə evdə müalicə edilən xəstələrin sağlamlıq vəziyyətinə nəzarət edirik. Xəstənin vəziyyətində dəyişiklik olduqda müayinələr aparılır”.