Azərbaycanda müvəqqəti yaşamaq üçün alınan icazələrin sayı açıqlanıb Hadisə

Azərbaycanda müvəqqəti yaşamaq üçün alınan icazələrin sayı açıqlanıb

“Ötən il müvəqqəti yaşamaq üçün icazə sayı 38065 olub”.

Bunu Dövlət Miqrasiya Xidmətinin rəisi Vüsal Hüseynov 2020-ci ilin yekunlarına dair keçirilən onlayn mətbuat konfransında bildirib.

Onun sözlərinə görə, 2019-cu ildə bu say 45193 olub, ötən il 16 faiz azalma olub. Bu icazələrin sayına gəldikdə, Türkiyə 7994, Rusiya 7696, Gürcüstan 7222, İran 2394, Ukrayna 1285, digər ölkələrdən 11474 olub.

V. Hüseynov deyib ki, iş icazəsində 9 faiz azalma olub: “2019-cu ildə 6680, 2020-ci ildə 6106 olub. Daimi yaşamaq üçün icazə sayı 1669 olub. Gürcüstan 663, Rusiya 448, Türkiyə 112, İran 88, Türkmənistan 65, digər ölkələr 293 18 faiz azalma müşahidə edilib”.