Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanası Yasamal rayon Heydər Əliyev Mərkəzində Xalq şairi Bəxtiyar Vahabzadənin 100 illiyinə həsr olunmuş ədəbi-bədii gecə keçirib.

MKS-dən AZƏRTAC-a bildirilib ki, əvvəlcə şəhidlərimizin xatirəsi bir dəqiqəlik sükutla yad edilib.

Daha sonra Xalq şairi Bəxtiyar Vahabzadənin 100 illiyinə həsr olunmuş videoçarx nümayiş olunub.

Tarix üzrə fəlsəfə doktoru, Yasamal rayon MKS-nin direktoru Lətifə Məmmədova tədbirin əhəmiyyətindən söhbət açıb.

Filologiya elmləri doktoru, AMEA-nın N.Gəncəvi adına Ədəbiyyat İnstitutunun Cənubi Azərbaycan şöbəsinin mütəxəssisi Esmira Fuad Bəxtiyar Vahabzadənin yaradıcılığına toxunub.

Filologiya elmləri doktoru, professor Yeganə İsmayılova Bəxtiyar Vahabzadənin dərin filosof olduğunu bildirib.

Yazıçı-publisist Reyhan Mirzəzadə, türkiyəli yazıçı Selvigül Şahin, Osloda Azərbaycan Məktəbinin koordinatoru Günay Əliyeva, filologiya üzrə fəlsəfə doktoru Xəyalə Əfəndiyeva, Yasamal rayon Heydər Əliyev Mərkəzinin direktoru Naminə Ömərova çıxışlarında Bəxtiyar Vahabzadəni Türk dünyasının şairi adlandırıblar.

Tədbirdə Bəxtiyar Vahabzadənin şeirləri və şeirlərinə bəstələnmiş mahnılar səsləndirilib.

Sonda türkiyəli yazıçılar Selvigül Şahin və Süheyla Karacaya Azərbaycan ədəbiyyatını təbliğ etdiyinə görə M.Ş.Vazeh adına Mərkəzi Kitabxananın Fəxri oxucusu diplomları təqdim olunub.