Niderlandda keçirilən XI “Qırmızı Lalə” Avrasiya Beynəlxalq Film Festivalı çərçivəsində Azərbaycan Respublikasının Mədəniyyət Nazirliyinin, Azərbaycanın Niderlanddakı Səfirliyinin və Avro-Atlantik Azərbaycanlılar Tərəfdaşlıq Şurasının dəstəyi ilə Azərbaycan Günləri təşkil olunub.

Xalqcebhesi.az xəbər verir ki, bu xüsusda Amsterdam şəhərinin “The Pulse” kinoteatrında “Qırmızı bağ” və Eindhoven şəhərinin “Natlab” kinoteatrında “Buta” bədii filmləri nümayiş etdirilib.

“Qırmızı bağ” bədii filminin nümayişi öncəsi keçirilən tədbirdə çıxış edən səfir Məmməd Əhmədzadə Azərbaycan filmlərinin festival proqramına daxil edilməsinin ölkəmizin zəngin kino irsinin və müasir kino sənətinin Niderland ictimaiyyətinə tanıdılması baxımından əhəmiyyət daşıdığını vurğulayıb və bu cür təşəbbüslərin Azərbaycan və Niderland arasında mədəniyyət sahəsində əməkdaşlığın inkişafına və xalqlar arasında təmasların genişlənməsinə töhfə verdiyini bildirib.

Cavid