Polşa prezidentliyinə namizəd Karol Navrotski bəyan edib ki, ABŞ-ın sabiq prezidenti Donald Tramp belə müraciət etsə, Polşa hərbçilərinin Ukraynaya göndərilməsinə razılıq verməyəcək.

Xalqcebhesi.az xəbər verir ki, onun sözlərini TVP Info telekanalı yayımlayıb.

“Mən Polşa əsgərlərinin Ukrayna ərazisinə göndərilməsinə icazə verməyəcəyəm,” – deyə Navrotski vurğulayıb.

Digər tərəfdən, Polşanın Baş naziri Donald Tusk da TVP Info efirində Ukraynaya hərbi sülhməramlı missiya göndərilməsini istisna etdiyini bildirib.

30 aprel tarixində “The Times” qəzeti yazıb ki, “istəkli koalisiyası”na daxil olan Avropa ölkələri üçün Ukraynaya cəmi 25 min hərbçi toplamaq belə çətin olacaq. Bu çətinlik, xüsusilə Böyük Britaniya və Fransanın tammiqyaslı quru qoşunu yerləşdirməkdənsə, Ukraynanın qərbinə təlimatçılar və tədris bölmələri göndərməyə üstünlük verməsi ilə bağlıdır.

Məryəm Quliyeva