ABŞ prezidenti Donald Tramp Fələstinin HƏMAS hərəkatını oktyabrın 5-i axşama qədər onun sülh planının şərtlərini qəbul etməsələr, onları "görünməmiş cəhənnəmlə" hədələyib.

Xalqcebhesi.az xəbər verir ki, o, bu barədə "Truth Social" sosial media platformasında yazıb.

"Həmas ilə razılaşma oktyabrın 5-i Vaşinqton vaxtı ilə saat 18:00-a qədər əldə edilməlidir. Bütün ölkələr razılaşmanı imzalayıb! Bu son şans reallaşmasa, Həmas heç kimin görmədiyi cəhənnəmlə üzləşəcək", - Tramp qeyd edib.

Ağ Ev rəhbəri bütün girovların dərhal azad edilməsini tələb edib. Tramp həmçinin “bütün günahsız fələstinliləri mümkün hərbi əməliyyat zonasını dərhal tərk etməyə” çağırıb.

Məryəm Quliyeva