Floridada keçirilən danışıqlarda Ukrayna və ABŞ nümayəndə heyətləri əvvəllər Cenevrədə tərəflərin razılaşdırdıqları Ukrayna münaqişəsinin sülh yolu ilə həlli üzrə Amerika planını yekunlaşdırıblar.

Xalqcebhesi.az xəbər verir ki, bu barədə Vladimir Zelenski bildirib.

"İş Cenevrə sənədi əsasında aparılıb və bu sənəd yekunlaşdırılıb", - o, Telegram-da yazıb.

Zelenski həmçinin bildirib ki, Ukrayna nümayəndə heyətinin rəhbəri, Milli Təhlükəsizlik və Müdafiə Şurasının katibi Rustem Umerov və Ukrayna danışıqlar qrupunun üzvləri “Amerika tərəfinin dialoqdakı əsas prioritetləri barədə məlumat veriblər”. Söhbət hansı aksentlərdən getdiyini dəqiqləşdirməyib.

Məryəm Quliyeva