Rusiya tərəfi hələ ki, Ukrayna Prezidenti Vladimir Zelenskinin seçkilərə hazırlıqla bağlı bəyanatını heç kimlə müzakirə etməyib.

Xalqcebhesi.az xəbər verir ki, bu barədə Rusiya prezidentinin mətbuat katibi Dmitri Peskov brifinqdə bildirib.

"Xeyr, bunu heç kimlə müzakirə etməyə vaxtımız olmayıb. Bəyanat kifayət qədər yenidir", - Peskov qeyd edib və onlara gözləməyi və hadisələrin necə inkişaf edəcəyini görməyi təklif edib.

O, əlavə edib ki, həm Rusiya prezidenti Vladimir Putin, həm də Amerika lideri Donald Tramp Ukraynada prezident seçkilərinin keçirilməsinin zəruriliyindən danışıb.

Məryəm Quliyeva