Rusiya Sumı şəhərinə aviabombalarla zərbə endirib, 2 nəfər xilas edilib, ilkin məlumata görə, daha 11 nəfər yaralanıb.

Xalqcebhesi.az xəbər verir ki, bu barədə Ukrayna Fövqəladə Hallar üzrə Dövlət Xidməti məlumat yayıb.

"Bir neçə zərbə qeydə alınıb. Ən böyük dağıntılar infrastruktur obyektində baş verib. Xilasedicilər zərər çəkmiş binanın yuxarı mərtəbələrində 2 nəfər aşkar ediblər. Ən ağır vəziyyət böyük beton plitələrin altında sıxılıb qalan qadınla bağlı olub. Bütün çətinliklərə və təkrar zərbə təhlükələrinə baxmayaraq, FHDX mütəxəssisləri xüsusi texnikanın köməyi ilə zərərçəkmişi çıxararaq təcili tibbi yardım maşınına çatdırıblar. Digər bir kişiyə isə xilasedicilər dağılmış binadan çıxmağa kömək ediblər", — deyə Ukrayna xidməti bildirir.

Məryəm Quliyeva