İran heç vaxt danışıqlardan imtina etməyib, lakin bu proses rasional şəkildə aparılmalıdır; hər hansı təzyiq qəbulolunmazdır.

Xalqcebhesi.az xəbər verir ki, bu barədə İslam Respublikasının Məhkəmə Hakimiyyətinin rəhbəri Qolyam Hüseyn Möhsüni-Ejei bəyan edib.

"İran İslam Respublikası heç vaxt danışıqlar masasını tərk etməyib. Biz hər zaman danışıqları alqışlamışıq, lakin bu, məntiqlə və rasional yanaşmaya əsaslanan danışıqlar olmalıdır. Biz təzyiqi və ya diktəni qəbul etmirik", — deyə SNN telekanalı onun sözlərini sitat gətirib.

İran Məhkəmə Hakimiyyətinin rəhbəri qeyd edib ki, "təcavüz və təhdidlər vasitəsilə heç bir məqsədinə nail ola bilməyən düşmən, şübhəsiz ki, danışıqlar masası arxasında da öz tələblərini diktə edə və ya irəli sürə bilməz".

Məryəm Quliyeva