NATO öz nüvə qüvvələrini modernləşdirmək və nüvə silahının "müştərək istifadəsi" təcrübəsini genişləndirmək yolu ilə gücləndirəcək.

Xalqcebhesi.az xəbər verir ki, bu barədə NATO-nun müdafiə nazirləri səviyyəsində keçirilən Nüvə Planlaşdırılması Qrupunun iclasında qəbul edilmiş bəyanatda deyilir.

"Müdafiə nazirləri Nüvə Planlaşdırılması Qrupunun iclasında nüvə potensialının modernləşdirilməsi yolu ilə NATO-nun nüvə çəkindirmə vasitələrinin gücləndirilməsini davam etdirmək barədə razılığa gəliblər", — deyə sənəddə bildirilir. Sənəddə qeyd olunur ki, blok "müştərək istifadə" təcrübəsindən fəal şəkildə istifadə etmək niyyətindədir. Bu təcrübə nüvə silahına malik olmayan NATO üzvlərinin potensial nüvə silahı daşıyıcıları (məsələn, F-16 və F-35 təyyarələri) əldə etməsini və ondan istifadə qaydaları üzrə təlim keçməsini nəzərdə tutur ki, münaqişə baş verəcəyi təqdirdə rəqibin real nüvə silahı daşıyıcılarını müəyyən etmək tapşırığı çətinləşsin.

Məryəm Quliyeva