Bürgenstokda keçirilən dördtərəfli məsləhətləşmələrdə iştirak edən danışıqlar qrupları münaqişələrin nizamlanması üzrə qrupun yaradılmasını razılaşdırıblar və bu qrupa Livanın da cəlb edilməsi planlaşdırılır.

Xalqcebhesi.az xəbər verir ki, Qətər və Pakistanın birgə bəyanatında deyilir: "Tərəflər Livanda hərbi əməliyyatların dayandırılması şərtlərinə əməl olunmasını təmin etmək məqsədilə vasitəçilərin dəstəyi ilə danışıqlarda iştirak edən ölkələrin və Livan Respublikasının nümayəndələrindən ibarət münaqişələrin nizamlanması üzrə qrupun yaradılması barədə razılığa gəliblər".

Qeyd olunur ki, texniki qruplar həftə ərzində bir sıra məsələlər üzrə məsləhətləşmələri davam etdirəcəklər, müzakirələr isə Bürgenstokda baş tutacaq.

Məryəm Quliyeva