İsrail Baş naziri Benyamin Netanyahu iyulun 1-də bəyan edib ki, ABŞ-nin İsrailə göstərdiyi maliyyə yardımını "hələ bu il" dayandırmaq istəyir.

Xalqcebhesi.az "News 18"ə istinadən xəbər verir ki, mətbuat konfransında çıxış edən Baş nazir ölkə iqtisadiyyatının hazırda ABŞ-nin köməyi olmadan mövcud olmaq üçün kifayət qədər güclü olduğunu vurğulayıb.

"Mən Amerika yardımını dayandırmaq istəyirəm. Bu, sosial müavinət kimidir; mənim buna ehtiyacım yoxdur. Bizim iqtisadiyyatımız artıq kiçik iqtisadiyyat deyil... biz ÜDM-imizin Amerika Birləşmiş Ştatlarından aldığımız bu faiz dərəcəsini özümüz maliyyələşdirə bilərik. Mən bu prosesin bu il başlamasını istəyirəm!", — deyə Baş nazir bildirib.

Bununla yanaşı, Benyamin Netanyahu regional təhlükəsizliklə bağlı eyni vaxtda bir neçə bəyanat verib. O, Fələstin dövlətinin yaradılmasına qarşı çıxıb. İsrailin İrana qarşı hərbi əməliyyatlarını şərh edən Netanyahu deyib: "Məhv olmaqdan xilas olmaq üçün biz iki dəfə İrana müdaxilə etmişik. Ehtiyac yaranarsa, üçüncü dəfə də olacaq". Bundan əlavə, Baş nazir İsrail qoşunlarının "Hizbullah"ı təhdid hesab etdikləri müddətdə Livanda qalacağını bəyan edib.

Məryəm Quliyeva