İran Ukraynanın addımlarını cavabsız qoymayacaq.

Xalqcebhesi.az xəbər verir ki, bu barədə İran parlamentinin (Məclisin) Milli təhlükəsizlik komitəsinin sədri Ebrahim Əzizi Kiyevin Xəzər dənizində İran gəmisinə endirdiyi zərbə ilə bağlı bəyan edib.

"İrana edilən hər bir hücumun bədəli həmişə ödənilməlidir, bu gün də bu belədir; ABŞ və İsrail bunu artıq yaxşı bilir. Ukrayna da yəqin ki, tezliklə İranın atılan addımları cavabsız qoymadığını anlayacaq. Səhvə yol verənlərin siyahısı genişlənməkdə davam edir!" — deyə o, "X" sosial şəbəkəsində yazıb.

İyulun 25-də İran XİN Ukraynanın Xəzər dənizində İran ticarət gəmisinə zərbə endirdiyini və nəticədə heyət üzvlərindən birinin həlak olduğunu bildirib. İranın xarici işlər naziri Abbas Əraqçinin sözlərinə görə, Kiyev bu addımı Avropanı Yaxın Şərqdəki müharibəyə cəlb etmək üçün İsrailin göstərişi ilə atıb.

Məryəm Quliyeva