Azərbaycan, Mərkəzi Asiya ölkələri və Çinlə fəal beynəlxalq əməkdaşlıq sayəsində Orta Dəhliz artıq qlobal ticarətə real və rəqabətli alternativ kimi formalaşır.

APA-nın yerli bürosu xəbər verir ki, bu barədə "Gürcüstan Dəmir Yolları" SC-nin təqdim etdiyi modernləşdirmə layihəsində bildirilib.

Qeyd olunub ki, Çin, Qazaxıstan və Azərbaycanla uğurlu danışıqların nəticəsində xidmətlər rəqəmsallaşdırılıb, sərhəd prosedurlarından keçmə müddəti 7,5 dəfə (15 saatdan 2 saata qədər) azaldılıb.

Sənəddə vurğulanıb ki, son qlobal hadisələr ənənəvi marşrutların zəifliyini və yeni etibarlı dəhlizlərə ehtiyacın olduğunu göstərib ki, bu da Orta Dəhlizə xüsusi önəm verib.