Bu gün bir sıra yeni müqavilə mətnləri ilə bağlı fikir mübadiləsi aparılıb.

Bunu xarici işlər naziri Ceyhun Bayramov iordaniyalı həmkarı Əymən Əs-Səfadi ilə birgə keçirdiyi mətbuat konfransında deyib.

Nazir bildirib ki, yaxın zamanda iki ölkə arasında yeni sənədlər imzalanacaq.

“Bu gün Azərbaycan-İordaniya münasibətləri kontekstində iqtisadi əməkdaşlıq sahəsində gələcək perspektivlər müzakirə olunub. İkitərəfli ticarət dövriyyəsinin hazırkı vəziyyəti bizi məmnun edə bilməz. Bununla belə, daha böyük potensial mövcuddur”, – deyə Ceyhun Bayramov vurğulayıb.