Böyük Britaniyanın Baş naziri Keir Starmer NATO-nun Ankara Zirvəsinin qlobal təhlükəsizlik baxımından kritik dövrdə keçirildiyini bildirib.

APA-nın Ankaraya ezam olunmuş müxbiri xəbər verir ki, NATO Dövlət və Hökumət Başçılarının 36-cı Zirvə Toplantısının ikinci günü keçirilən iclasdan əvvəl jurnalistlərə açıqlama verən Starmer bu zirvənin Alyans üçün son dərəcə mühüm əhəmiyyət daşıdığını deyib.

O, Ukraynadakı müharibə və Hörmüz boğazındakı gərginliyin təhlükəsizlik risklərini artırdığını qeyd edərək, müttəfiqlərin vahid mövqe nümayiş etdirməsinin vacibliyini vurğulayıb.

“Belə bir dövrdə NATO-nun birliyini və gücünü göstərməyimiz böyük əhəmiyyət daşıyır”, – deyə Starmer qeyd edib.