Cari ildə Azərbaycanın cari əməliyyatlar balansının profisiti 5,5 mlrd. ABŞ dollarına çatacağı gözlənilir.

"APA-Economics" xəbər verir ki, bunu bu gün keçirdiyi mətbuat konfransında Azərbaycan Mərkəzi Bankının (AMB) sədri Taleh Kazımov bildirib.

O qeyd edib ki, 2027-ci ildə isə AMB cari əməliyyatlar balansının profisitinin 4,4 mlrd. dollar olacağını proqnozlaşdırıb:

"Bunun əsas səbəbi AMB neft və qaz qiymətləri üzrə yeni proqnozudur. Belə ki, Mərkəzi Bank neftin orta qiymətini 2026-cı il üzrə 84,5dollar, 2027-ci il üzrə 74,5 dollar müəyyən edib. Qazın min kubmetrinin qiyməti 2026-cı il üzrə 324 dollar, 2027-ci il üzrə 290 dollar proqnozlaşdırılıb".