Strateji tərəfdaşlar olaraq biz (Azərbaycan və Rumıniya-red.) irəliyə doğru gedirik. Buxarestdə imzalanmış sənəd həqiqətən də bizim qarşımızda yeni perspektivlər açır.

Bu fikri Azərbaycan Prezidenti İlham Əliyev Rumıniya Prezidenti Klaus Yohannis ilə geniş tərkibdə görüşündə söyləyib.

Dövlətimizin başçısı deyib: “Biz gələcək addımlarımızı geniş şəkildə müzakirə etdik və indi nümayəndə heyətləri üzvlərinin iştirakı ilə bunu davam etdirəcəyik. Eyni zamanda, biz artıq təbii qazın nəqli məsələsində tərəfdaş olmuşuq və bu da bizim əməkdaşlığımızda mühüm mərhələdir. Lakin, birmənalı olaraq, biz əməkdaşlığımızın daha geniş miqyasını arzu edirik, nəinki enerji, o cümlədən ticari işbirliyimizlə bağlı məsələləri də əhatə etməsini istəyirik”.