“2023-cü il dövlət büdcəsinə edilən dəyişikliklərdə əsasən işğaldana azad edilmiş ərazilərin bərpası üçün əlavə 2 milyard 260 milyon manat vəsaitin ayrılmasını nəzərdə tutulur. Bu ümumilikdə 5 milyard 260 milyon manat vəsait deməkdir. Bu böyük qayıdışın sürətləndirilməsi və maliyyə təminatının gücləndirilməsində böyük rol oynayacaq”. Xalqcəbhəsi.az xəbər verir ki, bunu parlamentin bu gün keçirilın növbədənkənar sessiyasında çıxışı zamanı deputat Əli Məsimli deyib. Ə.Məsimli bildirib ki, Azərbaycan 44 günlük vətən müharibəsindən sadəcə qalib dövlət kimi deyil, həm də hədəflərə doğru inamla irəliləyən güclü dövlət kim çıxıb: “Eyni zamanda bir sıra sahələrə 973 milyon manat ayrılıb. Biz bunu da müsbət addım hesab edirik. Amma qlobal proseslər və inflyasiya sosial problemlərin tənzimlənməsində də əlavə vəsaitlərin ayrılmasını zəruri hala çevirib”.