“Dünyanın bəzi ölkələrində baş verən faciələrin yeganə səbəbi hansısa bir dövlətin öz iradəsini bəşəriyyətə qəbul etdirmək istəyidir. Bunun da nəticəsində faciələr yaşanır”. Xalqcəbhəsi.az xəbər verir ki, bu fikirləri Milli Məclisin bu gün keçirilən plenar iclasında çıxışı zamanı Milli Məclis sədrinin birinci müavini Əli Əhmədov deyib. Ə.Əhmədov əlavə edib ki, Azərbaycana qarşı sanksiya tətbiq etmək cəhdləri yeni deyil: “Azərbaycan müxtəlif zamanlarda bununla qarşılaşıb.
Azərbaycan kifayət qədər güclənib, qüdrətli və güclü bir orduya malik olan dövlətə çevrilib. Güclü Azərbaycanı hansısa sanksiya ilə düzgün yolundan döndərmək mümkün deyil”.