Ermənistan Baş naziri Nikol Paşinyan general-mayor Aleksandr Çakanyanı bu gün demarkasiya və sərhəd təhlükəsizliyi məsələləri üzrə komissiyanın tərkibinə daxil edib.

Xalqcebhesi.az xəbər verir ki, bu barədə erməni mediası məlumat yayıb.

Qeyd edilir ki, Çakanyan Tavuşda demarkasiya və delimitasiya işləri zamanı Ermənistan Silahlı Qüvvələrinin 3-cü Ordu Korpusunun komandiri vəzifəsində işləyib. 2024-cü il noyabrın 27-dən isə Ermənistan prezidentinin fərmanı ilə Baş Qərargahın Baş Əməliyyat İdarəsi rəisinin birinci müavini təyin edilib.

Çakanyan general rütbəsini 2024-cü il mayın 24-də demarkasiya və delimitasiya prosesi fonunda alıb.