ABŞ Prezidenti Donald Tramp yaxın vaxtlarda Rusiya Prezidenti Vladimir Putin və Volodimir Zelenski ilə görüş keçirəcəyinə ümid etdiyini bəyan edib.

Xalqcebhesi.az xəbər verir ki, Tramp bu barədə Texas ştatında Respublikaçılar Partiyasının tərəfdarları qarşısında çıxışı zamanı danışıb.

"Düşünürəm ki, Rusiya və Ukrayna ilə münasibətlərdə böyük irəliləyişə nail oluruq. Tezliklə görüş təşkil olunacaq. Hesab edirəm ki, çox böyük irəliləyiş var", - ABŞ lideri deyib. Planlaşdırılan görüşün kiminlə olacağı ilə bağlı dəqiqləşdirici suala Tramp: "Prezident Putin və prezident Zelenski ilə", - deyə cavab verib.

Məryəm Quliyeva