Fransadakı iğtişaşların səbəbi yerli hakimiyyətin ölkəyə onu nifrət edən miqrantları buraxmasındadır.

Xalqcebhesi.az xəbər verir ki, bu fikri ABŞ Prezidenti Donald Tramp bildirib.

"Bilirsiniz məsələ nədir? İmmiqrasiyadadır", - deyə o, Texas ştatında Respublikaçılar Partiyasının tərəfdarları qarşısında çıxış edərkən deyib. - "Ölkəyə fransızlara nifrət edənləri, onların tikililərinə, incəsənətinə, Fransada olan hər şeyə nifrət edənləri buraxıblar".

Amerika liderinin sözlərinə görə, indi Eyfel qülləsinə qalxsanız, "hər şeyin necə yandığını müşahidə edə bilərsiniz". "Buna görə də sərhədin bağlı olması mənim xoşuma gəlir. Biz belə insanları içəri buraxmırıq. Hər şey immiqrasiyadadır", - deyə o bildirib və ABŞ-da belə bir vəziyyətə icazə verməyəcəyinə söz verib.

Məryəm Quliyeva