ABŞ və Ermənistan “Tramp marşrutu”nun həyata keçirilməsi məqsədilə birgə işçi qrupunun fəaliyyətə başladığını açıqlayıb.

APA xəbər verir ki, bu barədə Ermənistan mediası məlumat yayıb.

Məlumata görə, işçi qrupuna ABŞ dövlət katibinin köməkçisinin müavini Sonata Koulter rəhbərlik edəcək.

ABŞ dövlət katibinin müavini Elison Huker İrəvanda Ermənistanın Baş naziri Nikol Paşinyanla görüşündə işçi qrupun detallarını təqdim edib.

Onun sözlərinə görə, ABŞ-Ermənistan əməkdaşlığı, həmçinin Ermənistan–Azərbaycan və Ermənistan–Türkiyə münasibətlərinin normallaşması üzrə irəliləyiş “Cənubi Qafqazın mühüm ticarət marşrutu kimi açılması üçün yeni perspektivlər yaradır”.