"Mənə heç kim təzyiq göstərə bilməz. Çünki mən müstəqil bir ölkənin prezidentiyəm. Yalnız altı yaşında olan oğlum mənə təzyiq edə bilər".
Bunu Ukrayna prezidenti Vladimir Zelenski Nyu-Yorkda jurnalistlərin suallarını cavablandırarkən deyib. Zelenski bildirib ki, ABŞ prezidenti Donald Tramp onunla telefon danışığı zamanı heç bir təzyiq etməyib.
Ukrayna lideri mətbuat nümayəndələrinin "Trampdan nəisə xahiş edəcəksinizmi" suallarına sərt rekasiya verib.
"Bir daha deyə bilərəm ki, Trampla dəstək barədə danışa bilərik. Nəisə xahiş etmək barədə soruşsanız, bu, Ukraynaya aid deyil. Biz özümüz kiməsə kömək edə bilərik",- deyə Zelenski qeyd edib.