Ermənistan sosial şəbəkələr üzərindən təxribatçı məlumatlar və dezinformasiya yayır. Buna görə də internet şəbəkəsində müəyyən məhdudiyyətlər var.

Bunu Azərbaycan Respublikası Prezidentinin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev deyib.

H.Hacıyev vurğulayıb ki, ermənilər hətta əvvəlki dövrə aid kadrları yayır ki, bu da heç bir həqiqəti əks etdirmir. PA rəsmisi əhalini diqqətli olmağa, bu cür dezinformasiyalara inanmamağa və rəsmi məlumatları izləməyi tövsiyə edib.