Kanadada yaşayan soydaşlarımız hökumət numayəndələrinə, parlament üzvlərinə bəyanatlar ünvanlayıb Siyasət

Kanadada yaşayan soydaşlarımız hökumət numayəndələrinə, parlament üzvlərinə bəyanatlar ünvanlayıb

Kanadada yaşayan soydaşlarımız erməni təxribatına etiraz edərək hökumət numayəndələrinə, parlament üzvlərinə və digər yerli səlahiyyyətli şəxslərə bəyanatlar ünvanlayıb.

Diasporla İş üzrə Dövlət Komitəsindən bildirilib ki, bəyanatlarda Ermənistanın Azərbaycana qarşı törətdiyi hərbi cinayət faktları sadalanıb, BMT Təhlükəsizlik Şurasının 822, 853, 874 və 884 saylı qətnamələrini yerinə yetirmədiyi, habelə beynəlxalq hüququn norma və prinsiplərinə məhəl qoymadığı, təxribatçı hərəkətlərini davam etdirməklə regionda daha da təhlükəli vəziyyət yaratdığı qeyd edilib.

Dünya dövlətlərinə və beynəlxalq təşkilatlara çağırış edilərək regionda sülh və sabitliyin təmin olunması üçün Ermənistan dövlətinin işğal edilmiş Azərbaycan torpaqlarından dərhal çıxarılmasına təsir göstərilməsi istənilib.