Gürcüstan Azərbaycanın ərazi bütövlüyünü hər zaman dəstəkləyib, regionda sülhün və əmin-amanlığın bərqərar olması üçün səylərini əsirgəməyib.

Bunu Gürcüstanın ölkəmizdəki səfiri Zurab Pataradze Milli Məclisin Sədri Sahibə Qafarova ilə görüşdə deyib.

Səfir xalqlarımız arasında münasibətlərin qədim tarixi olduğunu deyib. O bildirib ki, yüksək səviyyəli siyasi münasibətlərin mövcudluğu xalqlarımızı bir-birinə daha da yaxınlaşdırıb. İqtisadi, mədəni, humanitar sahələrdə də əməkdaşlığımız günbəgün inkişaf edir: “Biz parlamentlər səviyyəsində də əlaqələrimizi intensivləşdirmək niyyətindəyik”.

Qonaq Gürcüstan parlamentinin fəaliyyəti haqqında məlumat verərək deputatların müxtəlif platformalarda görüşlərinin və qarşılıqlı səfərlərinin önəmini vurğulayıb.

Görüşdə tərəfləri maraqlandıran digər məsələlər barədə danışılıb.