Dəmir yolu xətlərinin təhlükəsizliyinin təmin olunması məqsədilə təhkim zolaqlarında bitki örtüyünə qarşı mübarizə tədbirləri davam etdirilir.

“Azərbaycan Dəmir Yolları” QSC-dən (ADY) verilən məlumata görə, xüsusilə yanğın və hərəkət təhlükəsizliyi riski yaradan alaq otlarına qarşı xüsusi herbisid vasitələr tətbiq olunur.

Bildirilib ki, bu istiqamətdə işlər mütəmadi əsasda aparılır və istifadə olunan kimyəvi vasitələr SƏTƏM (Sağlamlıq, Əməyin Təhlükəsizliyi və Ətraf Mühit) qaydalarına uyğun şəkildə tətbiq edilir.