"Səhiyyə sahəsində kadr çatışmazlığı ilə bağlı layihə hazırlanır. Azərbaycan Tibb Universiteti və Əziz Əliyev adına Həkimlərin Təkmilləşmə İnstitutuna təkliflərimiz göndərilib".

Xalqcebhesi.az xəbər verir ki, bunu Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə iclasında səhiyyə naziri Teymur Musayev deyib.

Nazir bildirib ki, bu, baza təhsili almış və 1 il ərzində xüsusi təhsil almış ailə həkimləri ilə bağlıdır: “Onların regionlara getməsi cəlbedici olmalıdır. Növbəti iki il ərzində biz bu sahədə dönüşü görəcəyik”.