İran kubokunun yarımfinal mərhələsində keçirilən müsabiqədə Təbrizin "Traxtur" komandası Xuzistanın "Fulad" futbol klubunu məğlubiyyətə uğradıb.
Yerli vaxtla saat 14:30-da Təbrizin "Səhənd" stadionunda start götürən müsabiqənin 76-ci dəqiqəsində "Traxtur" komandasının oyunçusu Səid Dəqiqi qol vurub. Bununla da "Traxtur-Fulad" müsabiqəsi (1:0) Hesabı ilə Təbriz komandasının xeyirinə başa çatıb. Bu qələbədən sonra "Traxtur" İran kubokunun finalına vəsiqə qazanmış oldu.
Xatırladaq ki, keçən il "Traxtur" komandasının baş məşqçisi Portuqaliya vətəndaşı Tuni Olivera artıq bu kluba yenidən qayıdıb. O, klubun idarə heyətində baş verən çəkişmələrdən sonra yenidən baş məşqçi seçilib.