İran ordusu çərşənbə axşamına keçən gecə pilotsuz uçuş aparatları (PUA) vasitəsilə ABŞ-nin Bəhreyndə yerləşən və ABŞ Hərbi Dəniz Qüvvələrinin (HDQ) 5-ci donanmasının obyektlərinin mövcud olduğu "Şeyx İsa" hərbi bazasına zərbə endirib.

Xalqcebhesi.az xəbər verir ki, İran ordusunun mətbuat xidmətinin açıqlamasında deyilir: "Səhər tezdən başlayaraq "Arash" kəşfiyyat-zərbə dronları bir neçə mərhələdə ABŞ ordusunun Bəhreyndəki "Şeyx İsa" bazasında yerləşmə məntəqələrinə hücumlar təşkil edib".

Qeyd olunur ki, "Şeyx İsa" bazası ABŞ HDQ 5-ci donanmasının əsas obyektlərindən biridir və hava əməliyyatlarının həyata keçirildiyi, həmçinin dronların idarə olunduğu mərkəzdir.

Məryəm Quliyeva