Təbrizdə quru süd və uşaq qidası qıtlığı yaranıb. Bu barədə təbrizli valideynlər sosial media hesablarında paylaşım ediblər.
Şəhər sakinləri əczaxanalarda və uşaq qidaları satılan mağazalarda onu əldə edə bilmədiklərini deyiblər.

Bir sıra əczaçılar quru süd qıtlığını onun rasionlaşdırması ilə əlaqələndiriblər.

Lakin ekspertlər hesab edir ki, qıtlığa süd tozunu təmin etmək üçün xammalın olmaması və südün kəskin bahalaşması səbəb olub.

Sosial mediada paylaşım edən valideynlər bildirib ki, sosial güzaranın onsuz da ağır olduğu bir dönəmdə uşaq qidalarının yoxa çıxması insanların durumunu daha da pisləşdirəcək.