Güney Azərbaycanın keyfiyyətsiz və təhlükəli yolları can almağa davam edir. Ərdəbil vilayətinin Germi yolunda baş verən qəzada 1 nəfər ölüb, 9 nəfər yaralanıb.

Gunaz.tv

Ərdəbil Tibb Elmləri Universitetinin təcili yardım şöbəsinin müdiri Dr. Ruzbeh Müqəddəmin sözlərinə görə, bu qəzada iki avtomobil toqquşub.

“Son statistik məlumatlara görə, Ərdəbildə yol qəzalarının ən çox qurbanı Ərdəbildən başlayaraq Germi və Meşginşəhr şəhərlərindən keçərək şimalda Moqan bölgəsinə uzanan yollarda baş verir"- deyə mediada yayılan məlumatda bildirilib.

Ərdəbil əyalətinin yol polisinin rəisi polkovnik Fəttahi bir müddət əvvəl Fars Xəbər Agentliyinə verdiyi müsahibədə Ərdəbil əyalətinin yollarını 50 yaşı olduğunu və yolların təhlükəsizlik standartlarına cavab vermədiyini bildirmişdi.