Güney Azərbaycanın xüsusi əhəmiyyət kəsb edən Qaradağ meşələrinə məişət tullantıları atılır. Bu barədə sosial şəbəkədə video yayılıb. Məlumata görə, meşənin Kəleybər şəhərinin Oskulo kəndi ətrafındakı hissəsində xeyli məişət tullantısı müşahidə olunub. Tullantıların meşəyə Kəleybər Bələdiyyə İdarəsi tərəfindən atıldığı vurğulanıb. Mütəxəssislər tullantıların ətraf mühit və insan sağlamlığı üçün təhlükə yaratdığını, ekoloji problemə səbəb olduğunu bildiriblər.