Bu barədə Təbriz Şəhər Şurasının başçısı Rəsul Bərgi açıqlama verib. O, ilgili qurumların məsələ ilə bağlı iş görmələrini istəyib.

“Ustad Şəhriyarın tarixi evi fəlakətli və acınacaqlı vəziyyətdədir. Ustad Şəhriyarın əmlakı dağıdılır, evin abadlıq vəziyyəti yaxşı deyil və bu barədə ciddi düşünmək lazımdır”-deyə, Şəhər Şurasının başçısı bildirib.

O, tarixi evinin yanında olan evin alınaraq Şəhriyarın evinə qatılmasını, abadlıq və möhkəmləndirmə işlərinin aparılması üçün yerli xeyriyyəçilərin yardımından yararlanmağı təklif edib.

Bərgi bununla yanaşı Təbrizdə çox sayda tarixi evin müxtəlif idarələrə verildiyini qınayaraq, onların idarələrdən alınıb və təmir edilməsini, mədəni və tarixi abidələr kimi saxlanılmasını istəyib.

Gunaz.tv