Türkiyə hərbçiləri Suriyanın şimalında PKK terror təşkilatının 13 silahlısını zərərsizləşdirib.

Bu barədə Türkiyə Milli Müdafiə Nazirliyi məlumat yayıb.

Qeyd olunur ki, zərərsizləşdirilmiş terrorçular Türkiyə Silahlı Qüvvələrinin “Zeytun budağı”, “Sülh bulağı” və “Fərat Qalxanı” antiterror əməliyyatları zonasında silahlı basqın əməliyyatları hazırlayıblar.

Bundan əvvəl Türkiyə prezidenti Rəcəb Tayyib Ərdoğan bildirib ki, PKK döyüşçülərinin Türkiyədə ilk cinayət törətdiyi 1984-cü ildən 2020-ci ilin mart ayına qədər bu qanlı təşkilatın əli ilə Türkiyə təhlükəsizlik qüvvələrinin 7500 əməkdaşı və 6800 mülki şəxs öldürülüb.

ABŞ və Avropa İttifaqı PKK-nı terror təşkilatları siyahısına salıb.