Dünya fond bazarlarında əsas indekslərin əksəriyyəti mənfi dinamika nümayiş etdirib.

“APA-Economics” xəbər verir ki, ABŞ bazarında “Dow Jones” indeksi 152,09 bənd və ya 0,29% azalaraq 52 421,20 bəndə, “S&P 500” indeksi 37 bənd və ya 0,48% geriləyərək 7 619,98 bəndə, “Nasdaq Composite” isə 146,63 bənd və ya 0,56% azalaraq 26 186,41 bəndə düşüb. “NYSE Composite” indeksi 0,52% azalaraq 24 205,39 bənd təşkil edib.

Avropa bazarlarında da eniş müşahidə olunub. “Euro Stoxx” 50 indeksi 1,02% azalaraq 6 260,38 bəndə, Almaniyanın “DAX” indeksi 0,50% geriləyərək 25 440,81 bəndə, Fransanın “CAC” 40 indeksi 0,76% azalaraq 8 117,78 bəndə, İspaniyanın “IBEX” 35 indeksi isə 1,38% geriləyərək 19 565,50 bəndə düşüb. Böyük Britaniyanın FTSE 100 indeksi isə əksinə, 0,44% artaraq 10 697,57 bəndə yüksəlib.

Asiya-Sakit okean regionunda da qarışıq dinamika qeydə alınıb. Yaponiyanın Nikkei 225 indeksi 0,48% artaraq 63 795,13 bəndə yüksəlsə də, “TOPIX” 0,43% azalaraq 4 040,59 bəndə enib. Honq-Konqun Hang Seng indeksi 0,27%, Çinin “CSI” 300 indeksi 0,01%, Avstraliyanın “S&P/ASX” 200 indeksi isə 0,79% geriləyib.

Bazar iştirakçıları əsas diqqəti neft qiymətlərinin yüksək qalmasına, Yaxın Şərqdə gərginliyə və mərkəzi bankların gələcək faiz qərarlarına yönəldib. Enerji qiymətlərində artım inflyasiya risklərini artıraraq səhmlər üzərində təzyiq yaradır.