Rusiya tərəfi ABŞ Konqresinin Senatının Xarici Əlaqələr Komitəsinin “Rusiya Federasiyasının Ukraynadakı hərəkətlərinin soyqırım kimi tanınması” ilə bağlı dəstəklədiyi qətnamədə yer alan ittihamları qəti şəkildə rədd edir. "Xalq Cəbhəsi" Rusiya mətbuatına istinadən xəbər verir ki, bu barədə Rusiyanın Vaşinqtondakı səfirliyinin diplomatik missiyanın mətbuat xidməti tərəfindən yayılan şərhində deyilir. "Biz Konqresin yuxarı palatasının komissiyasının qətnaməsində Rusiyanın Ukraynadakı hərəkətlərinin soyqırım olması ilə bağlı ittihamları qəti şəkildə rədd edirik. Bu cür eyhamlar faktların açıq şəkildə təhrif edilməsidir", - diplomatlar vurğulayıblar. "Qanunvericilər öz rusofobiyalarını əsaslandırmaq üçün BMT sənədlərindəki ifadələrlə hoqqabazlıq edirlər", - deyə onlar əlavə ediblər. Onların fikrincə, “Amerika parlamentariləri səkkiz il ərzində Donbas sakinlərinin Kiyev rejiminin əli ilə çəkdiyi əzablara əhəmiyyət verməyiblər”. “Qadınlar, uşaqlar və qocalar Ukrayna Silahlı Qüvvələrinin "DXR" və "LXR"ə hücumlarının qurbanı olduqda belə, onlar susurlar”, - səfirlik qeyd edib.

Cavid