Aİ-nin Gürcüstandakı səfiri Pavel Qerçinski Baş nazirinin müavini, iqtisadiyyat naziri Levan Davitaşviliyə Tbilisi və Moskva arasında birbaşa uçuşların bərpası ilə bağlı demarşı təhvil verib.

"Xalq Cəbhəsi" Gürcüstan mətbuatına istinadən xəbər verir ki, bu barədə Aİ-nin Gürcüstandakı səfiri jurnalistlərə müsahibəsində bildirib.

Məlumata görə, Qerçinski ilə birlikdə Aİ-nin 27 dövlətinin səfirləri Gürcüstan baş nazirinin müavini ilə görüşüblər:

"Biz ona (Davitaşviliyə - red.) bildirdik ki, Gürcüstan hökumətinin Rusiyaya birbaşa uçuşları bərpa etmək qərarından təəssüflənirik. Bu qərar Aİ-nin bütün 27 üzvünün Rusiyaya birbaşa uçuşlar həyata keçirməmək və Rusiya təyyarələrinin Aİ-yə üzv ölkələrin ərazisi üzərində uçmasına icazə verməmək barədə yekdil qərarına ziddir”.

Cavid