Qondarma “Donetsk Xalq Respublikası”nın “Ali Məhkəməsi” ATƏT-in monitorinq missiyasının keçmiş əməkdaşı Vadim Qoldanı 14 il azadlıqdan məhrum edib.

APA-nın “TASS”a istinadən xəbərinə görə, bu barədə Rusiyanın Baş Prokurorluğundan məlumat verilib.
Bildirilib ki, onun 2021-ci ilin dekabrında “DXR” ərazisində həm Ukraynanın, həm də xarici xüsusi xidmət orqanının xeyrinə casusluq fəaliyyəti ilə məşğul olmaqla, buradakı sənaye müəssisələri barədə məlumatları üçüncü tərəfə ötürdüyü və bu qanunsuz fəaliyyətin sonradan həmin obyektlərə zərbələr endirilməsi ilə nəticələndiyinə əsaslı şübhələr müəyyən olunub.

Məhkəmə həmçinin ATƏT missiyasına məxsus 43 ədəd “ Toyota Land Cruiser 200” markalı avtomobili müsadirə edib.