Terror təşkilatı PKK/YPG-dən təmizlənən Mənbic şəhərinin cənub girişində avtomobilə yerləşdirilən bomba partladılıb.

Xalqcəbhəsi.az Türkiyənin “sabah.com.tr” saytına istinadən xəbər verir ki, ilkin məlumata görə, terror aktı nəticəsində 7 mülki şəxs həlak olub, 14 nəfər yaralanıb.

Yaralılar yaxınlıqdakı xəstəxanalara çatdırılıb və ölənlərin sayının artacağı ilə bağlı qorxular var.
Hücuma görə məsuliyyəti hələlik heç kim üzərinə götürməsə də, yerli təhlükəsizlik qüvvələri hücumun terror təşkilatı PKK/YPG tərəfindən törədildiyini ehtimal edir.

Qeyd edək ki, Suriya Milli Ordusu Mənbici 2024-cü il dekabrın 9-da terrorçulardan azad edib.