ABŞ-ın vitse-prezidenti J.D.Vens “The Wall Street Journal” qəzetinə müsahibəsində deyib ki, ABŞ Rusiyaya qarşı yeni sanksiyaların tətbiqini, habelə Amerika qoşunlarının Ukraynaya göndərilməsini istisna etmir.

Onun sözlərinə görə, Moskva münaqişəni həll etməkdən imtina edəcəyi təqdirdə ABŞ qoşunlarının Ukraynaya göndərilməsi variantı Vaşinqton tərəfindən “baxılan yerdə qalır”. O, ABŞ-ın Rusiyaya qarşı “iqtisadi və təbii ki, hərbi rıçaqlardan” istifadə edə biləcəyini söylədi.

Vitse-prezident hesab edir ki, ABŞ və Qərbdən Ukrayna üçün təhlükəsizlik zəmanətləri barədə danışmaq hələ tezdir. Vens hesab edir ki, danışıqlarda bu problem, eləcə də Ukrayna və Rusiya sərhədləri məsələsi müzakirə olunacaq. "Müxtəlif formalar və konfiqurasiyalar var, lakin Ukraynanın suveren müstəqilliyi bizim üçün vacibdir", - ABŞ vitse-prezidenti deyir.

Cavid