Yunanıstandan İzmirə gedən 35 KY 340 dövlət nömrə nişanlı avtobus Türkiyənin Gelibolu bölgəsinin Güneyli kəndi yaxınlığında yoldan çıxıb.

Xalqcəbhəsi.az-ın Türkiyənin “Anadolu” Xəbər Agentliyinə istinadən xəbərinə görə, boş əraziyə daxil olan avtobusdakı 42 sərnişindən 11-i xəsarət alıb.

Ətrafdakıların xəbər verməsi üzərinə bölgəyə xilasetmə, jandarma, polis və təcili tibbi yardım qrupları gəlib.

Qəza yerində ilkin tibbi yardım göstərildikdən sonra yaralılar xəstəxanalara aparılıb.